மக்கள் மிகுந்த கவனத்துடன் இருக்குமாறும், பள்ளத்தாக்குகள் மற்றும் வெள்ளம் சூழ்ந்த பகுதிகளைத் தவிர்க்குமாறும் அதிகாரிகள் மக்களை கேட்டுக்கொள்கிறார்கள்.
தேசிய வானிலை மையம் (NCM) புதன்கிழமை அன்று வெளியிட்ட அறிக்கையில் ஐக்கிய அரபு அமீரகத்திற்கு மீண்டும் ரெட் அலர்ட் எச்சரிக்கையை வெளியிட்டுள்ளது, இதனால் குடிமக்கள் பாதுகாப்பாக இருக்கும்படியும் வேண்டுகோள் விடுத்துள்ளது.
ஆலங்கட்டி மழையுடன் கூடிய கனமழை அல் ஐனில் வரக்கூடும் என்பதால் அப்பகுதிக்கு வானிலை துறை ரெட் அலர்ட் எச்சரிக்கைகளை வெளியிட்டுள்ளது. ரெட் என்பது ‘விதிவிலக்கான தீவிரத்தன்மையின் அபாயகரமான வானிலை நிகழ்வுகள் முன்னறிவிக்கப்பட்டவை’ என்பதைக் குறிக்கிறது மற்றும் குடியிருப்பாளர்கள் “மிகவும் விழிப்புடன்” இருக்குமாறு அறிவுறுத்துகிறது.
அல் ஐன், அல் திவாயா, அல் கத்தாரா, நஹில், படா பின்ட் சவுத் மற்றும் அலமேரா ஆகிய பகுதிகளில் உள்ள பல பகுதிகளில் அபாயகரமான வானிலை நிலவுகிறது. மேலும் ஆலங்கட்டி மழையுடன் கூடிய கனமழை பெய்து வருவதாகவும், அங்குள்ள மக்களுக்கு நிலைமை தீவிரமாக இருப்பதால் அதிகாரிகள் கவனத்துடன் இருக்கும்படி எச்சரித்துள்ளனர்.
அல் ஐன் நகரின் பள்ளத்தாக்குகள் மற்றும் பிற நீர்நிலைகளில் இருந்து விலகி இருக்குமாறு அபுதாபி காவல்துறை பொதுமக்களுக்கு அழைப்பு விடுத்துள்ளது. அனைவரும் எச்சரிக்கையுடன் இருக்குமாறும் அறிவுறுத்தல்கள் மற்றும் பாதுகாப்பு வழிகாட்டுதல்களைப் பின்பற்றுமாறும் ஆணையம் கேட்டுக் கொண்டுள்ளது.
